ജയൻ: മരണത്തിലൂടെ ഇതിഹാസമായ താരം.

എഴുപതുകളിലൊക്കെ സൂപ്പർ താരങ്ങൾ സിനിമയിൽ ഗുണ്ടകളെ അടിച്ച് ഒതുക്കിയിരുന്നപ്പോൾ കാണികൾ കരുതിയിരുന്നത് ഈ സ്റ്റണ്ടൊക്കെ ഇവർ തന്നെ ചെയ്യുന്നതാണ് എന്നാണ്. എന്നാൽ വഴിയെ ആളുകൾക്കു  മനസ്സിലായിത്തുടങ്ങി ഇതിൽ പലതും, പ്രത്യേകിച്ചു വായുവിൽ കറങ്ങി വീഴുന്നതൊക്കെ, ഡ്യൂപ്പുകളെ (stunt doubles) വച്ചു ചെയ്യുന്നതാണെന്ന്. എന്നാൽ അപ്പോൾ പോലും സിനിമാ മേഖലയില നിന്ന് പൈങ്കിളി കഥകൾ വരുമായിരുന്നു, അമിതാഭ് ബച്ചനു ഷൂട്ടിങ്ങിനിടെ ഗുരുതരമായി പരുക്കേറ്റു എന്നൊക്കെ. ഇതിലൊക്കെ എത്രമാത്രം സത്യമുണ്ട് എന്നു മനസ്സിലാക്കുക വലിയ ബുധ്ധിമുട്ടാണ്. ആക്ഷൻ താരത്തിനു ബാത്ത് റൂമിൽ വീണു പരുക്കേറ്റാലും താരമൂല്യം വർദ്ധിപ്പിക്കുന്നതിനായി അത് ഷൂട്ടിങ്ങിനിടയിൽ സംഭവിച്ചതാണെന്നു പ്രചരിപ്പിക്കുന്ന രീതി ഇപ്പോഴുമുണ്ട്.

അങ്ങനെ സൂപ്പർ താരങ്ങൾ ദിവസക്കൂലിക്കാരായ ഡ്യൂപുകളെ വച്ചു മേനി നടിക്കുന്ന ഒരു കാലത്താണ് ജയൻ എന്ന ഇതിഹാസത്തിന്റെ വരവ്. 

ഒരു മലയാള സിനിമയിലും കാണാത്ത ഒരസാധാരണ സ്റ്റണ്ട്, മോട്ടോർ സൈക്കിളിന്റെ പിൻസീറ്റിൽ നിന്നും ഹെലിക്കോപ്റ്റരിലേക്കു പിടിച്ചു കയറുക, എന്നിട്ട് താണു പറക്കുന്ന (താണു പരക്കുമ്പോളാണ് ഒരു കോപ്റ്റരിനെ നിയന്തിക്കാൻ കൂടുതൽ ബുദ്ധിമുട്ട്) ഹെലിക്കോപ്ടറിൽ വച്ചു സ്റ്റണ്ട്. ഈ സ്റ്റണ്ട് ദ്യൂപ്പില്ലാതെ തനിയെ ചെയ്യുക. അതും ഒരു തവണ ഭംഗിയായി ഷൂട്ട് ചെയ്തതിനു ശേഷം  പെർഫെക്ഷനു വേണ്ടി വീണ്ടും ഷൂട്ട് ചെയ്യുക. ആ ശ്രമത്തിൽ ഒരു അപകടം സംഭവിക്കുകയും അതിൽ മരണമടയുകയും ചെയ്യുക. ലോക സിനിമാ ചരിത്രത്തിൽ അധികം കേൾക്കാത്ത ഒരു സംഭവം. ഇതാണ് ജയൻ എന്ന അതിമാനുഷ താരത്തിന്റെ ലെഗസി. 

ഒരു തരത്തിൽ ചിന്തിച്ചാൽ ജയൻ ഒരു simpleton ആയിരുന്നോ എന്ന് തോന്നിപ്പോകും. തൊഴിലിനോടു അങ്ങേയറ്റത്തെ അർപ്പണ ബോധമുള്ള സിനിമാ ലോകത്തിന്റെ കള്ളത്തരങ്ങൾ വശമില്ലാത്ത ഒരു പാവം? ആ ഷൂട്ടിങ്ങ് നിയന്ത്രിച്ചിരുന്ന സംവിധായകൻ ആവശ്യമായ മുൻകരുതലുകൾ എടുത്തിരുന്നെങ്കിൽ ജയന്റെ ആ സമര്പ്പിത സേവനത്തിന്റെ ഫലം ലഭിക്കാൻ നാം മലയാളികള്ക്ക് പിന്നെയും ഭാഗ്യമുണ്ടായേനെ.

അതോ അതിനു ഈ നശിച്ച ലോകത്തിനു അര്ഹതയില്ലേ?