പ്രിയപ്പെട്ട ശ്രീ Dhanithlal S Nambiar
വല്ലവരും എവിടേലും നിന്നു ഉമ്മവക്കുന്നത്‌ പകർത്താൻ ഒളി ക്യാമറ വച്ചത്‌ വഷളത്തരം. അതൊരു ടെലിവിഷൻ ചാനലിലൂടെ നാടുമുഴുവൻ കാട്ടിയത്‌ അതിലും ചീപ്പ്‌. ഇതിലും ഭേദം porn സിനിമ പിടിക്കാൻ പോവുന്നതായിരുന്നു സർ. അതിലെന്തെങ്കിലും creativity ഉണ്ടെന്നു പറയാം, ഇതു വെറും ഒളിഞ്ഞുനോട്ടമല്ലേ?
ജയ്ഹിന്ദ്‌ എന്ന പാർട്ടി ചാനലിനു പിന്നെ കൈരളിയുടെ അത്രയും പോലും reputation ഇല്ലാത്തതു കൊണ്ട്‌, ഇല്ലാത്ത മാന്യത കളഞ്ഞു എന്ന പരാതി ആരും പറയില്ല.
പക്ഷേ നിങ്ങൾക്ക്‌ നിർഭാഗ്യം സംഭവിച്ചത്‌ അതു യുവമോർച്ച എന്ന വർഗ്ഗീയ സംഘടന മുതലെടുത്തപ്പോഴാണ്‌. അതോ അതൊരു കൂട്ടുകച്ചവടമായിരുന്നോ? ദിവസവും ടൺ കണക്കിന്‌ ലൈംഗിക കച്ചവടം തന്നെ നടക്കുന്ന കൊച്ചു കേരളത്തിൽ, ഈ ഒരു കൊച്ചു റെസ്റ്റോറന്റിലെ കൗമാരക്കാരുടെ കുട്ടിക്കളിയിൽ ജയ്ഹിന്ദിനും യുവമോർച്ചക്കും ഇത്ര വലിയ ആത്മീയ രോഷം തോന്നിയതെന്തേ എന്നു ജനം ചിന്തിച്ചു. അതു സദാചാരത്തോടുള്ള വലിയ താത്പര്യം കൊണ്ടൊന്നുമല്ല, ഏതോ ശത്രുവിനെ അടിക്കാൻ ഒരു വടി കിട്ടിയപ്പോൾ ഉപയോഗിച്ചതാണ്‌ എന്നു മനസ്സിലാക്കാൻ ജേർണ്ണലിസമൊന്നും പഠിക്കേണ്ട.
വിമർശ്ശകരോട്‌ നിങ്ങൾ ഫേസ്ബുക്കിലൂടെ ഈപ്പോഴും ചോദിക്കുന്ന ചോദ്യം "അവിടെച്ചെന്ന് ഇതൊക്കെ ചെയ്യുന്നത്‌ നിങ്ങളുടെ സഹോദരിയോ മകളോ ആണെങ്കിലോ" എന്നാണ്‌. ആ ചോദ്യം ഞാൻ തിരിച്ചു ചോദിക്കട്ടെ: നിങ്ങളുടെ ബന്ധുവായ പെൺകുട്ടിയുടേതായിരുന്നു ആ ദൃശ്യമെങ്കിൽ നിങ്ങൾ അതു ഒളിക്യാമറ വച്ചു പകർത്തുകയും, പിന്നെ ലോകം മുഴുവൻ അതു പ്രദർശ്ശിപ്പിക്കുകയും ചെയ്യുമായിരുന്നോ? നിങ്ങൾ ആ ദൃശ്യത്തിലെ വ്യക്തികളോടു കാണിച്ചത്‌ മാപ്പർഹിക്കാത്ത അക്രമമാണ്‌. വീഡിയോയിൽ ബ്ലർ ചെയ്തു കാണിച്ച ദൃശ്യങ്ങൾ വ്യക്തതയുള്ള സ്റ്റില്ലുകളായി നിങ്ങളുടെ ഫേസ്ബുക്കിൽ പോസ്റ്റ്‌ ചെയ്തിരിക്കുന്നത്‌ കൂടുതൽ അക്രമമാണ്‌. ദൃശ്യങ്ങൾ പിൻവലിച്ച്‌ മാപ്പു ചോദിക്കാനുള്ള മാന്യത കാണിക്കൂ.
പിന്നെ ആർക്കാരോടു പ്രണയം തോന്നണമെന്നും, ആർക്കാരെയൊക്കെ എവിടെവച്ചൊക്കെ ഉമ്മവക്കാം എന്നുമൊക്കെ വളരെ വിശദമായി ഒരു സദാചാര രേഖ എഴുതിയുണ്ടാക്കി പ്രസിദ്ധീകരിക്കൂ സർ. പിള്ളേരൊക്കെ വായിച്ചു പഠിക്കട്ടെ. അരാജകത്വം ഒഴിവാക്കണമല്ലോ.
എന്തായാലും മലയാള മാധ്യമ ചരിത്രത്തിലാദ്യമായാണ്‌ ഒരു ചാനൽ അപ്രശസ്തരായ സാധാരണക്കാരുടെ സ്വകാര്യതയിലേക്ക്‌ ഒളിഞ്ഞു നോക്കുന്നതും അത്‌ അഭിമാനത്തോടെ നാടുമുഴുവൻ വിളിച്ചറിയിക്കുന്നതും. ഏതോ ചാനൽ ഇപ്പറഞ്ഞ ദൃശ്യങ്ങൾ പുറത്തുവിട്ടു എന്നു കേട്ടപ്പോൾ ഞാൻ കരുതിയത്‌ ഏതൊ പ്രാദേശിക ഇക്കിളി ചാനലാണെന്നാണ്‌. ഇതുവരെ ജയ്ഹിന്ദ്‌ എന്ന ചാനലിന്‌ പ്രഫഷണലിസം ഇല്ല എന്നൊരു തകരാറേ ഉണ്ടായിരുന്നുള്ളൂ. ഇപ്പോൾ പേരും ചീത്തയായി.
എന്തായാലും ഒരു കാര്യം ശ്രദ്ധേയമാണ്‌. മലയാള മാധ്യമ ചരിത്രത്തിലാദ്യമായി ഒരു "സദാചാര" പ്രശ്നത്തിൽ മുഴുവൻ മാധ്യമങ്ങളും സാംസ്ക്കാരിക ലോകവും ജനങ്ങളിൽ വലിയൊരു പക്ഷവും (സോഷ്യൽ മീഡിയ സാക്ഷി) ഇരകളുടെ പക്ഷം പിടിക്കുക എന്ന അത്ഭുതം. കേരളത്തിലെ ലിബറൽ ഡമോക്രസിയുടെ പരിണാമത്തിൽ ഈ സംഭവം ഒരു നാഴികക്കല്ലാണ്‌, താങ്കളുടെ പേര്‌ ചരിത്രമോർക്കില്ലെങ്കിലും.
വല്ലവരും എവിടേലും നിന്നു ഉമ്മവക്കുന്നത്‌ പകർത്താൻ ഒളി ക്യാമറ വച്ചത്‌ വഷളത്തരം. അതൊരു ടെലിവിഷൻ ചാനലിലൂടെ നാടുമുഴുവൻ കാട്ടിയത്‌ അതിലും ചീപ്പ്‌. ഇതിലും ഭേദം porn സിനിമ പിടിക്കാൻ പോവുന്നതായിരുന്നു സർ. അതിലെന്തെങ്കിലും creativity ഉണ്ടെന്നു പറയാം, ഇതു വെറും ഒളിഞ്ഞുനോട്ടമല്ലേ?
ജയ്ഹിന്ദ്‌ എന്ന പാർട്ടി ചാനലിനു പിന്നെ കൈരളിയുടെ അത്രയും പോലും reputation ഇല്ലാത്തതു കൊണ്ട്‌, ഇല്ലാത്ത മാന്യത കളഞ്ഞു എന്ന പരാതി ആരും പറയില്ല.
പക്ഷേ നിങ്ങൾക്ക്‌ നിർഭാഗ്യം സംഭവിച്ചത്‌ അതു യുവമോർച്ച എന്ന വർഗ്ഗീയ സംഘടന മുതലെടുത്തപ്പോഴാണ്‌. അതോ അതൊരു കൂട്ടുകച്ചവടമായിരുന്നോ? ദിവസവും ടൺ കണക്കിന്‌ ലൈംഗിക കച്ചവടം തന്നെ നടക്കുന്ന കൊച്ചു കേരളത്തിൽ, ഈ ഒരു കൊച്ചു റെസ്റ്റോറന്റിലെ കൗമാരക്കാരുടെ കുട്ടിക്കളിയിൽ ജയ്ഹിന്ദിനും യുവമോർച്ചക്കും ഇത്ര വലിയ ആത്മീയ രോഷം തോന്നിയതെന്തേ എന്നു ജനം ചിന്തിച്ചു. അതു സദാചാരത്തോടുള്ള വലിയ താത്പര്യം കൊണ്ടൊന്നുമല്ല, ഏതോ ശത്രുവിനെ അടിക്കാൻ ഒരു വടി കിട്ടിയപ്പോൾ ഉപയോഗിച്ചതാണ്‌ എന്നു മനസ്സിലാക്കാൻ ജേർണ്ണലിസമൊന്നും പഠിക്കേണ്ട.
വിമർശ്ശകരോട്‌ നിങ്ങൾ ഫേസ്ബുക്കിലൂടെ ഈപ്പോഴും ചോദിക്കുന്ന ചോദ്യം "അവിടെച്ചെന്ന് ഇതൊക്കെ ചെയ്യുന്നത്‌ നിങ്ങളുടെ സഹോദരിയോ മകളോ ആണെങ്കിലോ" എന്നാണ്‌. ആ ചോദ്യം ഞാൻ തിരിച്ചു ചോദിക്കട്ടെ: നിങ്ങളുടെ ബന്ധുവായ പെൺകുട്ടിയുടേതായിരുന്നു ആ ദൃശ്യമെങ്കിൽ നിങ്ങൾ അതു ഒളിക്യാമറ വച്ചു പകർത്തുകയും, പിന്നെ ലോകം മുഴുവൻ അതു പ്രദർശ്ശിപ്പിക്കുകയും ചെയ്യുമായിരുന്നോ? നിങ്ങൾ ആ ദൃശ്യത്തിലെ വ്യക്തികളോടു കാണിച്ചത്‌ മാപ്പർഹിക്കാത്ത അക്രമമാണ്‌. വീഡിയോയിൽ ബ്ലർ ചെയ്തു കാണിച്ച ദൃശ്യങ്ങൾ വ്യക്തതയുള്ള സ്റ്റില്ലുകളായി നിങ്ങളുടെ ഫേസ്ബുക്കിൽ പോസ്റ്റ്‌ ചെയ്തിരിക്കുന്നത്‌ കൂടുതൽ അക്രമമാണ്‌. ദൃശ്യങ്ങൾ പിൻവലിച്ച്‌ മാപ്പു ചോദിക്കാനുള്ള മാന്യത കാണിക്കൂ.
പിന്നെ ആർക്കാരോടു പ്രണയം തോന്നണമെന്നും, ആർക്കാരെയൊക്കെ എവിടെവച്ചൊക്കെ ഉമ്മവക്കാം എന്നുമൊക്കെ വളരെ വിശദമായി ഒരു സദാചാര രേഖ എഴുതിയുണ്ടാക്കി പ്രസിദ്ധീകരിക്കൂ സർ. പിള്ളേരൊക്കെ വായിച്ചു പഠിക്കട്ടെ. അരാജകത്വം ഒഴിവാക്കണമല്ലോ.
എന്തായാലും മലയാള മാധ്യമ ചരിത്രത്തിലാദ്യമായാണ്‌ ഒരു ചാനൽ അപ്രശസ്തരായ സാധാരണക്കാരുടെ സ്വകാര്യതയിലേക്ക്‌ ഒളിഞ്ഞു നോക്കുന്നതും അത്‌ അഭിമാനത്തോടെ നാടുമുഴുവൻ വിളിച്ചറിയിക്കുന്നതും. ഏതോ ചാനൽ ഇപ്പറഞ്ഞ ദൃശ്യങ്ങൾ പുറത്തുവിട്ടു എന്നു കേട്ടപ്പോൾ ഞാൻ കരുതിയത്‌ ഏതൊ പ്രാദേശിക ഇക്കിളി ചാനലാണെന്നാണ്‌. ഇതുവരെ ജയ്ഹിന്ദ്‌ എന്ന ചാനലിന്‌ പ്രഫഷണലിസം ഇല്ല എന്നൊരു തകരാറേ ഉണ്ടായിരുന്നുള്ളൂ. ഇപ്പോൾ പേരും ചീത്തയായി.
എന്തായാലും ഒരു കാര്യം ശ്രദ്ധേയമാണ്‌. മലയാള മാധ്യമ ചരിത്രത്തിലാദ്യമായി ഒരു "സദാചാര" പ്രശ്നത്തിൽ മുഴുവൻ മാധ്യമങ്ങളും സാംസ്ക്കാരിക ലോകവും ജനങ്ങളിൽ വലിയൊരു പക്ഷവും (സോഷ്യൽ മീഡിയ സാക്ഷി) ഇരകളുടെ പക്ഷം പിടിക്കുക എന്ന അത്ഭുതം. കേരളത്തിലെ ലിബറൽ ഡമോക്രസിയുടെ പരിണാമത്തിൽ ഈ സംഭവം ഒരു നാഴികക്കല്ലാണ്‌, താങ്കളുടെ പേര്‌ ചരിത്രമോർക്കില്ലെങ്കിലും.
No comments:
Post a Comment